މިއަދު ކުރިއަށްގެންދިޔަ ރައްޔިތުންގެ މަޖިލީހުގެ  އައްޑޫ ސިޓީ ހިތަދޫ އުތުރު ދާއިރާގެ ބައި-އިލެކްޝަނުގައި އެ ދާއިރާގެ ލޮބުވެތި ރައްޔިތުން މި ޕާޓީގެ ކެންޑިޑޭޓު އަޙްމަދު ސަޢީދަށް ގިނަ ޢަދަދެއްގެ ވޯޓު ދެއްވައި މި ޕާޓީއަށް އޮތް ތާއީދު ދައްކުވައިދެއްވީތީ އެ ރައްޔިތުންނަށް ނުހުނަ ބޮޑަށް ޝުކުރު އަދާކުރަމެވެ.

މި އިންތިޚާބުގައި އައްޑޫ ހިތަދޫގައި ބެހެއްޓި ފަސް ފޮށީގެ ތެރެއިން ތިން ފޮށްޓާއި، މާލޭގައި ބެހެއްޓި ދެ ފޮށީގެ ތެރެއިން އެއް ފޮށީގެ އަޣުލަބިއްޔަތު ލިބިވަޑައިގަތީ ސަޢީދަށެވެ. އަދި ހިތަދޫގައި ބެހެއްޓި ވޯޓުފޮށީގެ ޖުމްލަ އަޣުލަބިއްޔަތުވެސް ލިބިވަޑައިގަތީ ސަޢީދަށެވެ. އެއީ އިދިކޮޅު ހުރިހާ ޕާޓީތަކެއް އެކުގައި މަސައްކަތްކުރަމުންއައި ދަނޑިވަޅެއްގައި، އިތުރު ޕާޓީއެއްގެ ވާގިވެރިކަމެއް ނެތި މި ޕާޓީއަށް ހޯދުނުގެ ކާމިޔާބެއް ކަމަށް ދެކެމެވެ.

މި ބައި-އިލެކްޝަނަށް ތައްޔާރުވުމުގެ މަސައްކަތުގައި ޕާޓީގެ ކެންޑިޑޭޓު އަޙްމަދު ސަޢީދާއި، އޭނާއާއެކު މަސައްކަތްކުރެއްވި ކެމްޕެއިން ޓީމުތަކުގެ މެންބަރުން ކުރެއްވި ބުރަ މަސައްކަތް އަގުވަޒަންކޮށް އެހުރިހާ ބޭފުޅުންނަށް ޕާޓީގެ ނަމުގައި ޝުކުރު ދަންނަވަމެވެ. އަދި ޕާޓީގެ ލީޑަރޝިޕާއި ޕާޓީގެ އެކި މަޤާމުތަކުގައި ތިއްބެވި ބޭފުޅުން މި އިންތިހާބުގައި ޕާޓީގެ ކެންޑިޑޭޓަށް ތާއީދު ހޯދައިދެއްވުމަށް ކުރެއްވި މަސައްކަތް ފާހަގަކޮށް އެ ބޭފުޅުންނަށްވެސް ޝުކުރު އަދާކުރަމެވެ.

މިއަދު ކުރިއަށްގެންދިޔަ ރައްޔިތުންގެ މަޖިލީހުގެ  އައްޑޫ ސިޓީ ހިތަދޫ އުތުރު ދާއިރާގެ ބައި-އިލެކްޝަނުގައި އެ ދާއިރާގެ ލޮބުވެތި ރައްޔިތުން މި ޕާޓީގެ ކެންޑިޑޭޓު އަޙްމަދު ސަޢީދަށް ގިނަ ޢަދަދެއްގެ ވޯޓު ދެއްވައި މި ޕާޓީއަށް އޮތް ތާއީދު ދައްކުވައިދެއްވީތީ އެ ރައްޔިތުންނަށް ނުހުނަ ބޮޑަށް ޝުކުރު އަދާކުރަމެވެ.  މި އިންތިޚާބުގައި އައްޑޫ ހިތަދޫގައި ބެހެއްޓި ފަސް ފޮށީގެ ތެރެއިން ތިން ފޮށްޓާއި، މާލޭގައި ބެހެއްޓި ދެ ފޮށީގެ ތެރެއިން އެއް ފޮށީގެ އަޣުލަބިއްޔަތު ލިބިވަޑައިގަތީ ސަޢީދަށެވެ. އަދި ހިތަދޫގައި ބެހެއްޓި ވޯޓުފޮށީގެ ޖުމްލަ އަޣުލަބިއްޔަތުވެސް ލިބިވަޑައިގަތީ ސަޢީދަށެވެ. އެއީ އިދިކޮޅު ހުރިހާ ޕާޓީތަކެއް އެކުގައި މަސައްކަތްކުރަމުންއައި ދަނޑިވަޅެއްގައި، އިތުރު ޕާޓީއެއްގެ ވާގިވެރިކަމެއް ނެތި މި ޕާޓީއަށް ހޯދުނުގެ ކާމިޔާބެއް ކަމަށް ދެކެމެވެ.  މި ބައި-އިލެކްޝަނަށް ތައްޔާރުވުމުގެ މަސައްކަތުގައި ޕާޓީގެ ކެންޑިޑޭޓު އަޙްމަދު ސަޢީދާއި، އޭނާއާއެކު މަސައްކަތްކުރެއްވި ކެމްޕެއިން ޓީމުތަކުގެ މެންބަރުން ކުރެއްވި ބުރަ މަސައްކަތް އަގުވަޒަންކޮށް އެހުރިހާ ބޭފުޅުންނަށް ޕާޓީގެ ނަމުގައި ޝުކުރު ދަންނަވަމެވެ. އަދި ޕާޓީގެ ލީޑަރޝިޕާއި ޕާޓީގެ އެކި މަޤާމުތަކުގައި ތިއްބެވި ބޭފުޅުން މި އިންތިހާބުގައި ޕާޓީގެ ކެންޑިޑޭޓަށް ތާއީދު ހޯދައިދެއްވުމަށް ކުރެއްވި މަސައްކަތް ފާހަގަކޮށް އެ ބޭފުޅުންނަށްވެސް ޝުކުރު އަދާކުރަމެވެ.  _____________________ 20 ޛުލްޙިއްޖާ 1447 06 ޖޫން 2026

ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ބައި-އިލެކްޝަނުގައި އެ ދާއިރާގެ ރައްޔިތުން ޕީއެންސީއަށް ކުރެއްވި ތާއީދަށް ޝުކުރު އަދާކުރުން

Expression of gratitude to Addu Hithadhoo thuru Constituency 

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ދިވެހިރާއްޖޭގެ ވެރިކަމާ ޙަވާލުވެވަޑައިގެންނެވިއިރު ރާއްޖެއަށް ކުރިމަތިވެފައި އޮތް އެންމެ ބޮޑު ނުރައްކަލަކީ މާލީ ގޮތުން ދިވެހި ދައުލަތް ވެއްޓިފައި އޮތް ފުން އަނދަވަޅެވެ. ރާއްޖޭގެ ދަރަނި ރެކޯޑު މިންވަރަކަށް މަތިވެ، ރާއްޖޭގެ ބޭރުގެ ދަރަނިތައް އަދާނުކުރެވިދާނެކަމުގެ ކަންބޮޑުވުން އިންތިހާއަށް އިތުރުވުމުގެ ސަބަބުން ރާއްޖޭގެ ކްރެޑިޓް ރޭޓިން ހަދާ އެޖެންސީތަކުން ކްރެޑިޓު ރޭޓިން ދަށްކޮށްފައި އޮތުމުގެ ސަބަބުން ބޭރުގެ މާލީ ބާޒާރުން ފައިސާ ހޯދުމުގައި ގިނަގުނަ ގޮންޖެހުންތަކެއް އޮތީ ކުރިމަތިވެފައެވެ.

އެމަނިކުފާނު ވެރިކަމާ ހަވާލުވެވަޑައިގެންނެވިފަހުން އެންމެ އިސްކަންދެއްވައިގެން ކުރެއްވި މަސައްކަތްޕުޅަކީ ރާއްޖޭގެ މާލީ ހާލަތު ރަނގަޅުކުރައްވައި ރާއްޖެއާމެދު ބޭރުގެ މާލީ އިދާރާތަކާއި އިންވެސްޓަރުންގެ އިތުބާރު އިއާދަކުރެއްވުމުގެ ގައުމީ މަސައްކަތްޕުޅެވެ. ރައީސްގެ އިސްނެންގެވުމަށް ދިވެހި ސަރުކާރުން މި އަމާޒަށް ވާސިލުވުމަށް ގިނަގުނަ ހަރުދަނާ ފިޔަވަޅުތަކެއް އަޅާފައިވެއެވެ.

ބޭރުފައިސާއާ ބެހޭ ޤާނޫނެއް ވުޖޫދަށް ގެންނަވައި ފަތުރުވެރިކަމުގެ ވިޔަފާރިތަކާއި ބޭރުފައިސާއިން އާމްދަނީ ލިބޭ ވިޔަފާރިތަކުގެ އާމްދަނީގެ ވަކި މިންވަރެއް ދިވެހިރާއްޖޭގެ މާލީ ނިޒާމަށް މާރުކުރުން ލާޒިމުކުރައްވައި، އެ ފައިސާއިން ވަކި މިންވަރެއް ދައުލަތުގެ ބޭރުފައިސާގެ ރަސްމީ ރިޒާވްއަށް ވަންނާނެ ގޮތަށް އިންތިޒާމުކުރެއްވިއެވެ. ސޮވެރިން ޑިވެލޮޕްމެންޓު ފަންޑަށް އަލުން ބޭޭރުފައިސާ ޖަމާކުރައްވަން ފެއްޓެވިއެވެ. ނަތީޖާއެއްގެ ގޮތުން އޭޕްރީލު މަހުގައި 500 މިލިއަން ޑޮލަރުގެ ސުކޫކު ޕޭމެންޓު ދައްކަންޖެހުނުއިރު ރަސްމީ ރިޒާވްގައި 1.3 ބިލިއަން އެމެރިކާ ޑޮލަރު ރައްކާކުރެވިފައި ހުއްޓެވެ. ސޮވެރިން ޑިވެލޮޕްމެންޓު ފަންޑުގައި 320 މިލިއަން ޑޮލަރު ރައްކާކުރެވިފައި ހުއްޓެވެ. ނަތީޖާއެއްގެ ގޮތުން އިތުރު ދަރަންޏެއް ނުނަގައި ސުކޫކުގެ ފައިސާ އަދާކުރެވުނެވެ. އަދި އިންޑިޔާގެ ރިޒާވް ބޭންކުން ނެގި ކަރަންސީ ސްވޮޕުގެ 400 މިލިއަން ޑޮލަރާއި 2019 ވަނަ އަހަރު އިންޑިޔާއިން ނެގި 200 މިލިއަން ޑޮލަރުގެ ތެރެއިން އޭޕްރީލު މަހުގައި ދައްކަންޖެހޭ 50 މިލިއަން ޑޮލަރުވެސް ދިވެހި ދައުލަތުގެ އަމިއްލަ ބާރުވެރިކަމުގައި ދައްކައި ހަލާސްކުރެވުނެވެ.

މިދެންނެވި ހަރުދަނާ ފިޔަވަޅުތަކުގެ ނަތީޖާއެއްގެ ގޮތުން ރާއްޖޭގެ ކްރެޑިޓު ރޭޓިން ހަދާ އެޖެންސީތަކުގެ ތެރެއިން ފިޗްއިން ރާއްޖޭގެ ރޭޓީން “ސީސީ” އިން “ސީސީސީ-“ އަށް މިއަދުވަނީ މަތިކޮށްފައެވެ. އެއް ދަރަޖައިގެ މި ކުރިއެރުމަކީ ދުނިޔެއަށް ކުރިމަތިވެފައި އޮތް އިގުތިސާދީ ނުތަނަވަސްކަމުގެ ތެރޭގައިވެސް ރާއްޖޭގެ މާލީ ހާލަތާއި، ސަރުކާރުގެ މާލީ އަދި އިގުތިސާދީ ސިޔާސަތުތަކާމެދު މާލީ އިދާރާތަކާއި އެކުވެރި ދައުލަތްތަކުގެ އިތުބާރު އޮތްކަމަށް ދަލީލުކުރާ އަލިގަދަ ހެއްކެކެވެ.

ރާއްޖެއަށް ކުރިމަތިވެފައި އޮތް މާލީ ދަތިތަކުން ރާއްޖެ ސަލާމަތްކުރެއްވުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒާއި އެމަނިކުފާނުގެ ސަރުކާރުން އަޅުއްވަމުންގެންދަވާ ފިޔަވަޅުތަކުގެ ހަރުދަނާކަން ފިޗްގެ ނިންމުމުން ޔަޤީންވެ ކަށަވަރުވެއެވެ. އެހެންކަމުން އެމަނިކުފާނާއި ދިވެހި ސަރުކާރަށް މިކާމިޔާބުގެ ވަގުތުގައި މަރުޙަބާ ދަންނަވައި މި ޕާޓީގެ ނަމުގައި ޝުކުރު އަދާކުރަމެވެ.

ފިޗްއިން ރާއްޖޭގެ ކްރެޑިޓް ރޭޓިން މަތިކުރުމާ ގުޅިގެން ސަރުކާރަށް މަރުޙަބާ ދަންނަވައި ޝުކުރު އަދާކުރަން 

Congratulating and Commending the Government on Fitch Upgrading the Maldives' Credit Rating

މިއަދު ފާހަގަކުރަމުން ދާ ދުނިޔޭގެ ނޫސްވެރިކަމުގެ ދުވަހުގެ މުނާސަބަތުގައި ރާއްޖޭގެ ހުރިހާ މީޑިޔާއަކަށާއި، މި ދާއިރާގައިމަސައްކަތްކުރާ ހުރިހާ އެންމެންނަށް އަދި ހާއްސަކޮށް ދިވެހި ނޫސްވެރިންނަށް ޕީޕަލްސް ނޭޝަނަލް ކޮންގްރެސްގެ ފަރާތުން ދުވަހުގެ ތަހުނިޔާއާއި މުބާރަކުބާދީ އަރިސްކުރަމެވެ. 

ނޫސްވެރިކަމުގެ މިނިވަންކަމަކީ އެ މައްޗަށް ޑިމޮކްރެޓިކް މުޖުތަމަޢެއްގެ ދިރުމާއި މަރު ބިނާވާ އަސާސެކެވެ.ތެދު މަޢުލޫމާތުލިބުމަކީ ޑިމޮކްރެޓިކް މުޖުތަމަޢުތަކުގައި ރަނގަޅު ނިންމުންތައް ނިންމުމަށް ރައްޔިތުންނަށް ކޮންމެހެން ބޭނުން ޟަރޫރީ ކަމެކެވެ. ހާމަކަންބޮޑު، ޖަވާބުދާރީވަނިވި ދައުލަތެއްގެ ދެމިއޮތުން ބިނާވަނީ، ދައުލަތުގެ ހުރިހާ ބާރުތަކެއްގެ މައްޗަށް ފާރަވެރިވުމާއެކު ތެދުވެރިކަމާއި އަމާނާތްތެރިކަމާއެކު ކަންކަމުގެ ޙަޤީޤަތް ބަޔާންކޮށްދޭ މިނިވަން ނޫސްވެރިކަމުގެ މައްޗަށެވެ.

ނަމަވެސް ނޫސްވެރިކަމާއި މަޢުލޫމާތު ފެތުރުމުގެ މިނިވަންކަން ބޭނުންކުރަންވާނީ ޒިންމާދާރުކަމާއެކު،ފަރުދުންނާއި މުޖުތަމަޢުގެ ޙައްޤުތަކަށް ރައްކާތެރިވެވޭ ގޮތަށެވެ. އެއްވެސް މީހެއްގެ އަސާސީ ޙައްޤުތައް ނިގުޅައިގަތުމަށާއި، މުޖުތަމަޢުގެ އާންމުމަސްލަހަތު ނަގައިލުމަށް ބޭނުންކުރެވޭ އާލަތަކަށް ނޫސްވެރިކަން ވެގެން ނުވާނެއެވެ. އަޅުގަނޑުމެން ކުރާ އެހެނިހެން ކަންތައްތަކެކޭ އެއްފަދައިން ނޫސްވެރިކަމުގައިވެސް އިސްލާމްދީނުގައި ކަނޑައަޅުއްވާފައިވާ އަޚުލާޤީ ގިއުގަނޑުގެ ތެރޭގައި އަޅުގަނޑުމެންގެ ސުލޫކު ބެހެއްޓުމަކީ ދީނީ އަޚުލާޤީ ޒިންމާއެކެވެ.

ޒިންމާދާރު މިނިވަން ނޫސްވެރިކަމަށް ފަހި މާހައުލެއް ޤާއިމުކޮށްދިނުމަށް މިއަދުގެ ސަރުކާރުން ކުރަމުންދާ މަސައްކަތްތަކަށް މި ޕާޓީން ޝުކުރު އަދާކުރަމެވެ. ދައުލަތުގެ އެންމެ އިސްވެރިޔާއާ ހަމައިން ފެށިގެން، ވަޒީރުންނާއި، ވަކިވަކި އިދާރާތަކުގެ ވެރިންނާ ހަމައަށް ހުރިހާ ބޭފުޅުން މީޑިޔާއަށް އިންތިޒާމީ ގޮތެއްގައި މަޢުލޫމާތު ހާމަކުރައްވާ ޖަވާބުދާރީ ވެވަޑައިގަތުމަކީ މީގެ ކުރިން ދެކެފައިވާ ކަމެއް ނޫނެވެ.ނޫސްވެރިކަން ތަރައްޤީކުރުމަށާއި ކުރިއެރުވުމަށް އޮތް އެންމެ ބޮޑު ގޮންޖެހުމަކީ މާލީ ދަތިތައްކަމުގައިވާއިރު، މީޑިޔާތަކަށް ދެފުށް ފެންނަ އުސޫލެއްގެ ތެރެއިން ދައުލަތުގެ ބަޖެޓުން ވަކި އިންސައްތައެއް ދެއްވަން ފެށްޓެވުމަކީ، މި ދާއިރާ ހަރުދަނާ ކުރެއްވުމުގެ ރާސްތާގައި ސަރުކާރުން އެޅި ތަޢުރީފު ޙައްޤު ފިޔަވަޅެކެވެ.

ޕީއެންސީގެ ސަރުކާރެއްގައި ނޫސްވެރިކަމުގެ މިނިވަންކަން އެންމެ ފުރިހަމަ ގޮތުގައި ދަމަހައްޓައި، ނޫސްވެރިކަން އިތުރަށް ތަރައްޤީކުރުމަށް ބޭނުންވާ އެހީތެރިކަން ސަރުކާރުން ފޯރުކޮށްދީ، ދިވެހި ނޫސްވެރިންނަކީ ފަންނީ ގޮތުން ޤާބިލު ޒަމާނަށްއަންނަމުންދާ ބަދަލުތަކާއި ފައިހަމަކުރެވޭ މިންވަރުގެ ހުނަރުވެރިކަން ލިބިފައިވާ ބަޔަކަށް ހެދުމަށް އެހީތެރިވަމުންދާނެ ކަމުގެ ޔަޤީންކަން މި ޕާޓީއަށް އެބަ އޮތެވެ.

މި ޕާޓީން ޒިންމާދާރު ޖަވާބުދާރީ ކުރުވަނިވި ތެދު ޙަޤީޤަތް ހާމަކުރާ ނޫސްވެރިކަމަށް އަބަދުވެސް ހިތްވަރުދޭނަމެވެ. ދިވެހި ނޫސްވެރިކަމަށް ފަހި މުސްތަޤުބަލަކަށް އެދެމެވެ.

ނޫސްވެރިކަމުގެ ދުވަހުގެ މުނާސަބަތުގައި މީޑިޔާއާއި ނޫސްވެރިންނަށް ތަހުނިޔާ އަރިސްކުރުމާއެކު މިނިވަން ނޫސްވެރިކަމަށް ފަހި މާހައުލެއް ޤާއިމުކޮށްދޭނެ ކަމުގެ ޔަޤީންކަން އަރުވަން 

Ensuring a conducive environment for independent journalism while extending felicitations to the media and journalists.

ބައިނަލްއަޤުވާމީ ފެންވަރުގައި ފާހަގަކުރާ މަސައްކަަތްތެރިންގެ ދުވަހުގެ މުނާސަބަތުގައި، ދިވެހިރާއްޖޭގެ ތަފާތު ދާއިރާތަކުގައި އަދި އެކި ޞިނާޢަތްތަކުގައި މަސައްކަތްކުރަމުންދާ އެންމެހައި މަސައްކަަތްތެރިންނަށް ދުވަހުގެ ތަހުނިޔާއާއި މުބާރަކުބާދީ އަރިސްކުރަމެވެ.

މިއަދުގެ ސަރުކާރުން ދިވެހި މަސައްކަތްތެރިންގެ ޙައްޤުތައް ކަށަވަރުކޮށްދީ، އެކި ދާއިރާތަކާއި ޞިނާޢަތްތަކުގައި ކުރިއަށްދިއުމަށް ބޭނުންވާ މަގުތައް ކޮށައި އަލިކުރުމަށް، ގިނަގުނަ މަސައްކަތްތަކެއް ކުރަމުންދާކަން ފާހަގަކުރަނީ ފަޚުރުވެރިކަމާއެކު، ޝުކުރު އަދާކުރާ ޙާލުއެވެ. މަސައްކަތްތެރިންގެ ޙައްޤުތައް ރައްކާތެރިކޮށްދީ، އެކި ފުރުޞަތުތައް ފަހިކޮށްދީ، ބާރުވެރިކުރުމަކީ ޕީއެންސީގެ ރިޔާސީ މެނިފެސްޓޯގައި ނުހަނު ބޮޑު އިސްްކަމެއް ދެވިފައި އޮތް ކަމެކެވެ.  މި ވެރިކަމުގައި މަސައްކަަތްތެރިންނާއި މަސައްކަތްތެރިކަން ކުރިއެރުވުމަށް ކުރެވުނު މަސައްކަތްތަަކުގެ ތެރޭގައި؛

1- މަސައްކަތްތެރި ޖީލެއް ބިނާކުރުމަށް ރާއްޖޭގެ ފުރަތަމަ ވޮކޭޝަނަލް ހައިސްކޫލު ޤާއިމުކުރުން

2- ހުނަރާއި ފަންނު ކުރިއެރުވުމަށް ސަރުކާރުން ދޭ ހިލޭ އެހީއާއި ލޯނު އިތުރުކުރުން

3- އެއްވެސް ޒުވާނަކު ބާކީވިޔަނުދީ ކޮންމެ ކުއްޖަކީ ހަރުދަނާ ޒުވާނަކަށް ހެދުމަށް ވަޠަނީ ޚިދުމަތުގެ ޕްރޮގުރާމު ފެށުން

4- ދިވެހި މަސްވެރިންނަަށް ރަސްމީ ހައިސިއްޔަތާާއެކު ކުރިން ނުލިބޭ އެތައް ޚިދުމަތެއް ލިބޭނެ މަގުފަހިކުރުން

5- ބައިނަލްއަޤުވާމީ ބާޒަރުން ދިވެހި މަސައްކަތްތެރިންގެ އުފެއްދުންތަކށް ޖާގަ ހޯދައިދިނުން

6- ނުކުޅެދުންތެރިކަން ހުރި ފަރާތްތަކަށް ވަޒީފާގެ ފުރުސަތުތައް ހޯދައިދިނުން

7- 65 އަހަރު ފުރުމަށްފަހު ވަޒީފާގައި ދެމިތިބެން  ބޭނުންވާ މީހުންނަށް އެ ފުރުސަތު ފަހިކޮށްދިނުން

8- ސަރުކާރާއި އަމިއްލަ ސިނާއަތްތަކުގެ ތެރެއިން 23،000 އަށްވުރެ ގިނަ ވަޒީފާ އުފައްދައިދިނުން

9- ދިވެހިންނަށް އެކަނި އަދާކުރެވޭނެ ވަޒީފާތައް ކަނޑައަޅައި އެ އުސޫލު ތަންފީޒުކުރުން

10-ޤަވާޢިދާ ޚިލާފަށް  އުޅޭ ބިދޭސީންގެ މައްސަލަ ހައްލުކުރުމަށް ހަރުދަނާ ފިޔަވަޅުތަކެއް އެޅުން

11- ވިހެއުމަށްފަހު ވަޒީފާއަށް ނުކުންނަ މުވައްޒަފުންނަށް ދަރިފުޅަށް ދެ އަހަރު ފުރެންދެން ދަރިފުޅުގެ ކަންކަން ބެލެހެއްޓުމަށް ދުވާލަކު ދެ ފަހަރުގެ މަތިން 30 މިނިޓުގެ ހުސްްވަގުތުކޮޅެއް ލިބޭ ގޮތަށް ސިވިލް ސާވިސްގެ ގާނޫނު އިސްލާހުކުރުން

މަތީގައި ދެންނެވުނު ކަންކަމަކީ މަސައްކަތްތެރިންނަށް ފަހި މާހައުލެއް ގާއިމުކުރުމަށް ސަރުކާރުން ކުރަމުންދާ މަސައްކަތްތަކުގެ ކުޑަ މިންވަރެކެވެ. ޤާނޫނުތަކަށް ގެންނަންޖެހޭ ބަދަލުތައް ގެނައުމާއެކު، ތަމްރީނާއި ތައުލީމުގެ ފުރުސަތުތައް އިތުރުކޮށް، ދިވެހި މަސައްކަތްތެރިންނަކީ 21 ވަނަ ޤަރުނުގެ ގޮންޖެހުންތަކާ ކުރިމަތިލުމުގެ ޤާބިލުކަން ލިބިފައިވާ ބަޔަކަށް ހެދުމަށް އިތުރު އެތައް މަސައްކަތެއް އަންނަނީ ކުރެވެމުންނެވެ.

މި ސަރުކާރުގައި ފެށިފައިވާ މިފަދަ ހުރިހާ މަސައްކަތްތަކެއްގައި ބަރަކާތްލައްވައި އެކަންކަމުގެ ފޮނި މީރުކަން ދިވެހި މަސައްކަތްތެރިންނަށް މިންވަރުކުރައްވާށިއެވެ.

Statement on the Occasion of International Labor Day

On this International Labor Day, we extend our warmest greetings and sincere felicitations to all workers across various sectors and industries in the Maldives.

The current administration takes great pride and gratitude in noting the extensive efforts being undertaken to guarantee the rights of Maldivian labor and to pave the way for their advancement across all industries. Key initiatives launched to empower the workforce and enhance productivity include:

The aforementioned points represent only a fraction of the government's broader efforts to establish a favorable environment for labor. In addition to legislative reforms, work is ongoing to expand training and educational opportunities, ensuring the Maldivian workforce is fully equipped to meet the challenges of the 21st century.

It is the prayer of this Party that Almighty Allah bestows blessings upon all these initiatives and ensures that Maldivian labor reaps the full benefits of these endeavors.

މަސައްކަތްތެރިންގެ ދުވަހުގެ ތަހުނިޔާއާއި މުބާރަކުބާދީ އެންމެހައި މަސައްކަތްތެރިންނަށް ރައްދުކުރަން

ދިވެހިޖުމްހޫރިއްޔާގެ ޤާނޫނުއަސާސީއަށް 6 ވަނަ އިޞްލާޙު ގެނައުމުގެ ޤާނޫނުގެ ދަށުން، ރައްޔިތުންގެ މަޖިލީހުގެ މެންބަރުން އެ މެންބަރުން އިންތިޚާބުކުރެއްވި ރައްޔިތުންގެ ނިންމުމާ ދެކޮޅަށް، ސިޔާސީ ޕާޓީ ބަދަލުކުރެއްވުން ދުސްތޫރީ ގޮތުން މަނާވާނެ ގޮތަށް ގެނެވުނު އިޞްލާޙު ދެމެހެއްޓެވުމަށް ދިވެހިރާއްޖޭގެ ސުޕްރީމް ކޯޓުުން ނިންމި ނިންމުމަށް ޕީޕަލްސް ނޭޝަނަލް ކޮންގްރެސްއިން މަރުޙަބާ ދަންނަވަމެވެ.

ސުޕްރީމް ކޯޓުގެ މިއަދުގެ ނިންމެވުމުގައި ފާހަގަކުރެއްވި މުހިއްމު ނުކުތާތަކުގެ ތެރޭގައި، އެންޓި-ޑިފެކްޝަން ނުވަތަ ޕާޓީ ބަދަލުކުރުން މަނާކުރުމުގެ އުޞޫލަކީ ދުނިޔޭގެ ޑިމޮކްރެޓިކް ޤައުމުތަކުގައި ތަންްފީޒުކުރެވޭ އުޞޫލެއްކަމާއި، ދިވެހިރާއްޖެފަދަ ރިޔާސީ ނިޒާމުގެ މައްޗަށް ބިނާވެފައިވާ ޤާނޫނުއަސާސީތަކަށް ޢަމަލުކުރަމުންދާ ޤައުމުތަކުގައިވެސް މިފަދަ އުޞޫލުތައް ތަަޠުބީޤުކުރަމުންދާކަން އަދި އެ ޤައުމުތަކުގެ ޤާނޫނުއަސާސީތަކުގައި އެ އުޞޫލު އެކަށައަޅާފައި ހުރިކަން ފާހަގަކޮށްފައިވެއެވެ.

އަދި މަޖިލީހުގެ މެންބަރުން ޕާޓީ ބަދަލުކުރުން މަނާކުރުމުގެ އުޞޫލަކީ ރައްޔިތުންގެ މަޖިލީހުގެ އިސްތިޤުރާރު ނަގަހައްޓައި، ސިޔާސީ ޕާޓީތަކުގެ ނިޒާމު ހަރުދަނާކޮށްދޭނެ ކަމެއްގެ ގޮތުގައި ސުޕްރީމް ކޯޓުން ސިފަކޮށްފައިވެއެވެ. އިތުރަށް އެ ނިންމެވުމުގައި ބަޔާންކޮށްފައިވަނީ މަޖިލީހުގެ މެންބަރުން ޕާޓީ ބަދަލުކުރެއްވުން މަނާކުރުމަކީ ޤާނޫނުއަސސީން ކަށަވަރުކޮށްދޭ އެއްވެސް ޙައްޤަކަށް އުނިކަން ލިބޭނެ ކަމެއް ނޫން ކަމަށެވެ.

އިތުރަށް ޙުކުމުގައި ބުނެފައިވަނީ މަޖިލީހުގެ މެންބަަރުން ދައުރުގެ ތެރޭގައި މަޖިލީހުގެ މަޤާމުގައި ތިއްބަވާނެ ގޮތުގެ އޮނިގަނޑު ޤާނޫނުއަސާސީގައި ބަޔާންކޮށްފަައި އޮތް ގޮތަށް ގެނެވުނު އިޞްލާޙަކީ، ރައްޔިތުންގެ މަޖިލީހުގެ މެންބަރުންގެ އިންތިޚާބީ މެންޑޭޓުގެ އަސްލަަށް ބަދަލެއް އަދި އުނިކަމެއް ނާންނާނެކަން ކަށަވަރުކޮށްދޭނެ އިސްލާހެއް ކަމަށެވެ.

ތަޅުން ހުރަސްކޮށް ޕާޓީ ބަދަލުކުރުން މަނާކުރުމުގެ އުޞޫލަކީ ރައްޔިތުންގެ މަންދޫބުންގެ ނަޒާހަތްތެރިކަން އިތުރަށް ހަރުދަނާކޮށް، ރައްޔިތުންނަށް ޖަވާބުދަރީވުން އިތުރުކުރުމުގެ ގޮތުން އެހެނިހެން ޑިމޮކްރެޓިކް މުޖުތަމައުތަކުގައިވެސް އަމަލުކުރަމުންދާ އުޞޫލެއްކަން ސުޕްރީމް ކޯޓުން ފާހަގަކުރިއެވެ.

ސުޕްރީމް ކޯޓުގެ ޙުކުމުގައި ބަޔާންކުރި ޙަޤީޤަަތްތަކުގެ އަލީގައި ސަރުކާރުން ހުށަހަޅައި، މި ޕާޓީގެ އަޣުލަބިއްޔަތު އޮތް 20 ވަނަ ރައްޔިތުންގެ މަޖިލީހުން ޤާނޫނުއަސާސީއަށް ގެނައި މި އިޞްލާޙަކީ، ރާއްޖޭގެ ސިޔާސީ ނިޒާމު އިތުރަށް ހަރުދަނާކޮށް، ކޮރަޕްޝަނާއި ފަސާދައިން ސަލާމަތްކޮށް، ޤާނޫނު ހަދާ މަޖިލީހުގެ ނަޒާހަތްތެރިކަން އިތުރުކުރުމުގެ ހެޔޮ ނިޔަތުގައި ގެނައި ބަދަލެއްކަން ޔަޤީންވާނެއެވެ. މި ބަދަލުގެ ބޭނުމަކީ ގިނަ ޕާޓީ ބައިވެރިވާ ޑިމޮކްރެޓިކް ނިޒާމަަށް އަމަލުކުރަން ފެށިފަހުން ރާއްޖޭގެ ސިޔާސީ މައިދާނުން ފެންނަމުން އައި ނޭދެވޭ ކަންކަމުން އަރައިގަތުމަށް މަގުކޮށުމެވެ.

ރައީސުލްޖުމްހޫރިއްޔާ އަދި މި ޕާޓީގެ ރައީސް ޑރ.މުޙައްމަދު މުޢިއްޒުގެ ވިސްނުންފުޅަކީ ދިވެހިރާއްޖޭގެ ސިޔާސީ ނިޒާމުގައި ހުރި މިފަދަ އުނިކަންކަން އިޞްލާޙުކުރައްވައި، ހަމަޖެހުމާއި ތަރައްޤީއަށް މަގުފަހިވާނެ ގޮތަށް ރާއްޖޭގެ ކަންކަން ތަރުތީބުކުރެއްވުމާއެކު އެންމެހައި ރައްޔިތުންގެ އަސާސީ ޙައްޤުތަކާއި މިނިވަންކަން ކަށަވަރުކޮށްދެއްވުމެވެ. މި ޕާޓީން ކުރިއަށް އޮތް ތަނުގައިވެސް ޢަމަލުކުރަމުންދާނީ ޑިމޮކްރަސީގެ އުޞޫލުތަކާ އެއްގޮތަށް، ދިވެހިރާއްޖޭގެ ރައްޔިތުންނަށް އެންމެ ލާބަހުރި ގޮތަށްކަން ޔަޤީންކޮށް އަރުވަމެވެ.

ރައްޔިތުންގެ މަޖިލީހުގެ މެންބަރުން ޕާޓީ ބަދަލުކުރުން ހުއްޓުވުމަށް ޤާނޫނުއަސާސީއަށް ގެނައި އިޞްލާޙު ނެގެހެއްޓުމަށް ސުޕްރީމް ކޯޓުން ނިންމުމުން މަރުޙަބާ ކިޔުން

The People's National Congress Welcomes the Supreme Court's Decision Upholding the Constitutional Amendment on Anti-Defection

ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ބައި - އިލެކްޝަން 2026 ގައ،ި ކޮންގްރެސް ޕާޓީގެ ޕްރައިމެރީ ގައި ވޯޓުލުން 

ރޭ މި ޕާޓީގެ ހަރުގޭގައި ބޭއްވި ބައްދަލުވުމެއްގައި ޓޫރިޒަމް މިނިސްޓްރީގެ ސްޓޭޓް މިނިސްޓަރު އަދި ރައްޔިތުންގެ މަޖިލީހުގެ ފޭދޫ ދާއިރާގެ ކުރީގެ މެންބަރު މުޙައްމަދު ނިހާދު ދެއްކެވި ވާހަކަފުޅާ ގުޅިގެން ދަންނަވަމެވެ.

އިދިކޮޅު އެމްޑީޕީން މާލެ އަތޮޅުގެ ރިސޯޓުތަކަކަށް އަރައި، އެ ރިސޯޓުތަކުގައި އެއްވުމެއް ބާއްވަން ރާވާފައިވާކަމަށާއި، މަސައްކަތްތެރިންގެ ޙައްޤުގައި މަސައްކަތްކުރާ ޔޫނިއަންތައް މެދުވެރިކޮށް ހިންގުމަށް ރާވަމުންދާ މި ޢަމަލަކީ ޓޫރިޒަމަށް އަމާޒުކޮށް ދޭ ޓެރަރިސްޓު ޙަމަލާއެއްކަމަށް ނިހާދު ސިފަކުރައްވާފައިވެއެވެ.

މި ޕާޓީން ދެކޭ ގޮތުގައި ރާއްޖޭގައި ރަޖިސްޓްރީކޮށްގެން ހިންގާ ސިޔާސީ ޕާޓީއަކުން އަދި މަދަނީ ޖަމްޢިއްޔާއަކުން ދިވެހިރާއްޖޭގެ ފަތުރުވެރިކަމަށް އަދި ޖުމްލަކޮށް ދިވެހި އިޤުތިޞާދަށް ފޫނުބެއްދޭވަރުގެ ގެއްލުމެއް ލިބިދާނެ ނުރައްކާތެރި ޢަމަލެއް ނުހިންގާނެއެވެ. ޕާޓީތަކާއި މަދަނީ ޖަމްޢިއްޔާތައް ޙަރަކާތްތެރިވާނީ ޤާނޫނު ހުއްދަކުރާ އިމުގެ ތެރޭގައެވެ. އެއިމުން ބޭރުވާނަމަ އެކަމާމެދު އަޅަންޖެހޭ ފިޔަވަޅުތައް ދައުލަތުގެ ކަމާބެހޭ އިދާރާތަކުން އަޅާނެކަމާމެދު ޝައްކެއްނުކުރުމެވެ.

އަދި ދިވެހިރާއްޖެއަކީ މި ޤައުމަށް ޒިޔާރަތްކުރާ ފަތުރުވެރިންނަށް ރައްކާތެރި މަންޒިލެއްގެ ގޮތުގައި ދެމެހެއްޓުމަށް ސަރުކާރުން އަބަދުވެސް މަސައްކަތްކުރަމުންދާނެ ކަމުގެ ޔަޤީންކަން އަރުވަމެވެ. ހަމައެހެންމެ، ފަތުރުވެރިކަމުގެ ޞިނާޢަތުގައި އިންވެސްޓުކޮށްފައިވާ ފަރާތްތަކުގެ އިންވެސްޓުމެންޓުތައް ރައްކާތެރިކޮށްދިނުމުގައި ދިވެހި ދައުލަތުން އަދާކުރަންޖެހޭ ޒިންމާ އެންމެ ފުރިހަމައަށް އަދާކުރާނެ ކަމުގެ އިތުބާރު އެބައޮތެވެ.

ފަތުރުވެރިންނާއި އިންވެސްޓަރުންނަށްވެސް ރައްކާތެރިކަން އޮތް ޞުލްޙަވެރި، އަމާން މަންޒިލެއްގެ ގޮތުގައި ދިވެހިރާއްޖެ ދެމެހެއްޓުމަށް  ދައުލަތުގެ ހުރިހާ މުއައްސަސާއެއް ގުޅިގެން ކުރަމުންދާ މަސައްކަތްތަކަށް ޝުކުރު ދަންނަވައި، ކުރިއަށް އޮތް ތަނުގައިވެސް ދައުލަތުގެ މުއައްސަސާތަކާއި ސިޔާސީ ޕާޓީތަކައި މަދަނީ ޖަމްޢިއްޔާ ޖަމާޢަތްތަކާއި ވަކިވަކި ފަރުދުންވެސް ފަތުރުވެރިކަމަށް އަދި ބައިނަލްއަޤުވާމީ ދުނިޔޭގައި ރާއްޖޭގެ ޝުހުރުތަށް އުނިކަން އަތުވެދާނެ އެއްވެސް ކަމެއް ނުކުރުމަށް މި ޕާޓީން އިލްތިމާސްކުރަމެވެ. 

The People’s National Congress (PNC) refutes the comments made by the State Minister of Tourism, Mohammed Nihad, during a meeting held at our party headquarters last night. 

In his remarks, the State Minister expressed serious concerns regarding reports of planned rallies by the opposition Maldivian Democratic Party (MDP) at resorts in the Malé Atoll, describing such actions as a direct terrorist threat on the tourism sector and the economy at large.

The PNC strongly believes that no responsible political party or civil society organization in the Maldives would engage in activities that undermine the tourism industry or inflict lasting harm on the nation’s economy. We emphasize that all entities must act within the confines of the law, and any actions that breach legal boundaries will undoubtedly be met with appropriate measures by the relevant authorities.

We reaffirm the Government’s unwavering commitment to maintaining the Maldives as a safe, secure, and peaceful destination for tourists. Protecting the investments of stakeholders in the tourism sector and ensuring the continuity of the Maldives’ reputation as a world-class destination remain top priorities.

The PNC extends its gratitude to all government institutions, political parties, civil society organizations, and individuals who work diligently to sustain the Maldives as a haven for visitors and investors. We strongly urge everyone to refrain from actions that could jeopardize the nation’s peace, stability, and economic prosperity.

Let us collectively uphold and enhance the Maldives’ global reputation as a leading destination for tourism and investment, ensuring the continued growth and success of this vital sector.

ޓޫރިޒަމް މިނިސްޓްރީގެ ސްޓޭޓް މިނިސްޓަރު މުޙައްމަދު ނިހާދު ރޭ ދެއްކެވި ވާހަކަފުޅާ ގުޅޭ ގޮތުން

Statement regarding  the remarks made by State Minister Mohamed Nihad 

ދިވެހިރާއްޖޭގެ މާލީ ޙާލަތު ނާޒުކު ފައްތަރަކަށް ހުށަހެޅިފައިވާ މިދަނޑިވަޅުގައި މާލީ އިޞްލާޙުތައް ސަރުކާރާއި ދައުލަތުގެ އެންމެ މަތީ ފަޑިން ފެށިގެން ކުރިއަށްގެންދެވުމަށް ނިންމަވައި، އެކަން ތަންފީޒުކުރެއްވުމަށް އަންނަ އަހަރުގެ ދައުލަތުގެ ބަޖެޓުގެ ޚަރަދުތައް ކުޑަކުރުމަށް މުހިއްމު ފިޔަވަޅުތަކެއް އެޅުއްވުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ނިންމެވި ނިންމެވުމަކީ ހަރުދަނާ އަދި އެހާމެ ހިތްވަރުގަދަ ނިންމެވުންތަކެއް ކަމުގައި މި ޕާޓީން ދެކެމެވެ. 

ފާއިތުވެދިޔަ ދެތިން އަހަރު ދައުލަތުގެ ޚަރަދުތައް އިންތިހާއަށް އިތުރުވެ އެކަމުގެ ސަބަބުން ލިބޭ އާމްދަނީއާއި ކުރާ ހޭދައިގެ ފަރަގު ބޮޑުވަމުން ދިޔައިރު، އެކަން އިޞްލާޙުކުރުމަށްޓަކައި ޚަރަދުތައް ކޮންޓްރޯލުކުރުމަށް ދުނިޔޭގެ މާލީ އިދާރާތަކާއި ދިވެހިރާއްޖޭގެ ކްރެޑިޓް ރޭޓިން އެޖެންސީތަކުން ދެމުންދިޔަ ލަފައަށް އެއިރުގެ ސަރުކާރުން ދިނީ ބީރު ކަންފަތެކެވެ. 

ދައުލަތުގެ ޚަރަދުތައް ކުޑަކުރުމަށް ހަރުދަނާ އެއްވެސް ފިޔަވަޅެއް ނިމިދިޔަ ސަރުކާރުން ނޭޅުމުގެ ސަބަބުން 2022 ގައި 9.8 ބިލިއަން ރުފިޔާގައި ހުންނާނެކަމަށް އަންދާޒާކުރި ބަޖެޓު ޑެފިސިޓު އަހަރު ނިމުނުއިރު 11.3 ބިލިއަން ރުފިޔާއަށްވުރެ އިތުރުވިއެވެ. އަދި 2023 ގައި 8.6 ބިލިއަން ރުފިޔާގައި ބަޖެޓު ޑެފިސިޓު ހުންނާނެކަމަށް ލަފާކުރި ނަމަވެސް އަހަރު ނިމުނުއިރު ބަޖެޓު ޑެފިސިޓު ހުރީ 13.5 ބިލިއަން ރުފިޔާއަށްވުރެ އިތުރުވެފައެވެ. ބަޖެޓު ޑެފިސިޓު ބޮޑުވިއިރު ރިކަރަންޓު ޚަރަދުތައް ލިބުނު އާމްދަނީގެ ތެރޭގައި ހިފެހެއްޓިފައިނުވެއެވެ. 

އެވަގުތު ދައުލަތުގެ ޚަރަދުތައް ކުޑަކުރުމަށް އަޅަންޖެހޭ ފިޔަވަޅުތައް ސިޔާސީ ސަބަބުތަކަށްޓަކައި އޮތީ ނޭޅިއެވެ. މިއަދު ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އެފިޔަވަޅުތައް ފެއްޓެވީ ސީދާ އެމަނިކުފާނާ ހަމައިންނެވެ. އަމިއްލަފުޅު މުސާރައިގެ ދެބައިކުޅަ އެއްބައި ނުނަންގަވަން ނިންމެވީއެވެ. އެއަށްފަހު ސިޔާސީ މުވައްޒަފުންނާއި ދައުލަތުގެ މުއައްސަސާތަކުގެ ވެރިންނާއި މަޖިލީހުގެ މެންބަރުންގެ މުސާރަތައް ކުޑަކުރައްވަން ހުށަހެޅުއްވީއެވެ. 

މިއީ މިވަގުތު ދިވެހި ދައުލަތުގެ އެންމެ އިސްވެރިޔާގެ ހައިސިއްޔަތުން ދިވެހި މާލިއްޔަތުގެ ދެމެހެއްޓެނެވިކަން ޔަޤީންކޮށްދެއްވުމަށް ރައީސް އަޅުއްވަން ނިންމެވި ހަރުދަނާ ފިޔަވަޅުތަކެކެވެ. ސިޔާސީ ގޮތުން އުދަގޫ އެހެންނަމަވެސް ޤައުމުގެ ޙައްޤުގައި ނިންމަވަންޖެހޭ ނިންމެވުމެކެވެ. 

އެހެންކަމުން މި ޤައުމާއި ދިވެހި ދައުލަތުގެ މުސްތަޤުބަލަށްޓަކައި މިއަދު ރައީސް ނިންމެވި ނިންމެވުންތަކަށް މަރުޙަބާ ދަންނަވަމެވެ. އަދި ދިވެހީންގެރާއްޖެ ދިވެހިންނަށް ހޯއްދަވައިދެއްވައި އިޤުތިޞާދީ އަދި މާލީ ގޮތުން ފުދުންތެރި ޤައުމަކަށް ރާއްޖެ ހެއްދެވުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ކުރައްވާ މަސައްކަތްޕުޅުގައި މާތްﷲ ބަރަކާތް ލައްވައި، އެމަނިކުފާނަށްހެޔޮ ތައުފީޤު މިންވަރުކުރެއްވުން އެދި ދުޢާ ކުރަމެވެ.

ދިވެހި ދައުލަތުގެ މާލިއްޔަތުގެ ދެމެހެއްޓެނެވިކަން ކަށަވަރުކުރެއްވުމަށް ރައީސުލްޖުމްހޫރިއްޔާ އެޅުއްވި ހަރުދަނާ ހިތްވަރުގަދަ ފިޔަވަޅުތަކަށް މަރުޙަބާ ދަންނަވަން

މި ޕާޓީއަށް އަގުނުކުރެވޭ ފަދަ ގިނަގުނަ ޚިދުމަތްތަކެއް ކުރައްވާފައިވާ، މި ޕާޓީގެ ހަރަކާތްތަކުގެ އެންމެ ކުރީ ސަފުގައި އަބަދުވެސް މަސައްކަތްކުރެއްވި އަލްފާޟިލް ޢަބްދުލްހާދީ ޤާސިމް، ހއ.ހޯރަފުށީ، ކަސިދާގެ، އިއްޔެގެ ވަގުތެއްގައި ދުނިޔެ ދޫކުރެއްވި ޚަބަރު އެހީ ފުން ހިތާމައާއެކުއެވެ. ޢަބްދުލްހާދީ ޤާސިމަކީ ހއ.ހޯރަފުށީގައި ޕީއެންސީ ފިކުރުގައި މި ޕާޓީގެ އަސާސްތަކާއި ވިސްނުން ކުރިއެރުވުމަށް އެންމެ ހިތްވަރާއެކު މަސައްކަތްކުރާ ޓީމުގެ ހީވާގި މެންބަރެކެވެ. ދެގޮތެއް ނުވެ މި ޕާޓީއަށްޓަކައި ވަރަށް ބުރަކޮށް މަސައްކަތްކޮށްދެއްވި ޚިދުމަތްތެރިއެކެވެ. 

މި ހިތްދަތި ދަނޑިވަޅުގައި މި ޕާޓީގެ ރައީސް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒާއި، ޕާޓީގެ ލީޑާޝިޕުގެ ހުރިހާ ބޭފުޅުންގެ ނަންފުޅުގައާއި ޕާޓީގެ ޢާންމު މެންބަރުންގެ ނަމުގައި ޢަބްދުލްހާދީގެ ޢާއިލާއަށް އިޚުލާޞްތެރިކަމާއެކު ތަޢުޒިޔާދަންނަވަމެވެ. 

މަރުޙޫމް ޢަބްދުލްހާދީގެ ފާފަތައް ފުއްސަވައި މާތްﷲގެ ތަނަވަސް ރަޙުމަތްފުޅުގައި ލެއްވުމާއެކު ސުވަރުގޭގެ މަތިވެރި ދަރަޖަތައްމަރުޙޫމަށް މިންވަރުކޮށްދެއްވުން އެދި މާތްﷲގެ ޙަޟްރަތުގައި ދުޢާ ދަންނަވަމެވެ.

މި ޕާޓީއަށް އަގުހުރި ޚިދުމަތްތަކެއް ކުރެއްވި އަލްފާޟިލް ޢަބްދުލްހާދީ ޤާސިމް އަވަހާރަވުމާ ގުޅިގެން ތަޢުޒިޔާ ދަންނަވަން

މި އަހަރުގެ ޖޫން މަހުގައި ވަޒީރުންގެ މަޖިލީހުގެ މަޝްވަރާއާއި ލަފާގެ މަތިން ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ނިންމަވާފައިވާ ގޮތަށް އިމިގްރޭޝަން ޤާނޫނަށް ގެންނަންޖެހޭ ބަދަލުތައް ވީހާވެސް އަވަހަށް ގެނައުމަކީ މި ޕާޓީން ތާއީދުކުރާ ކަމެއްގައި ދަންނަވަމެވެ. 

އަދި މިހާރު ރައްޔިތުންގެ މަޖިލީހުގައި އޮތް އިމިގްރޭޝަންގެ ޤާނޫނު އިޞްލާޙުކުރުމުގެ ބިލު ދިރާސާކުރުމުގެ މަސައްކަތް އަވަހަށް ނިންމައި، ރައްޔިތުންގެ ރޫޙާއި ވިންދާ އެއްގޮތަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ނިންމަވާފައިވާ ނިންމެވުން ޙަޤީޤަތަކަށް ހެދުމުގެ މަސައްކަތް މަޖިލީހުން ހަލުއިކަމާއެކު ކުރުމަށް މި ޕާޓީން އިލްތިމާސްކުރަމެވެ. 

އިސްރާއީލުން ފަލަސްޠީނުގެ ރައްޔިތުންނާމެދު ޣައްޒާއާއި ހުޅަނގު އައްސޭރީގައި ހިންގަމުންދާ އަނިޔާވެރި ޢަމަލުތަކުގެ ތެރެއަށް ލުބުނާނުގެ ރައްޔިތުންނަށް ކުރިމަތިކުރަމުންދާ ކެކުޅުމާއި ވޭންތައް އިތުރުކޮށްފައިވާ މިދަނޑުވަޅުގައި އެ ޢަމަލުތަކާމެދު ނުރުހުން ފާޅުކުރުމަށް ރާއްޖެއިން އަޅަން ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ނިންމަވާފައިވާ މި މުހިއްމު ފިޔަވަޅަށް މި ޕާޓީން ފުރިހަމައަށް ތާއީދުކުރާކަމަށް ދަންނަވަމެވެ.

ރައީސުލްޖުމްހޫރިއްޔާ ނިންމަވާފައިވާ ގޮތަށް އިސްރާއީލު ޕާސްޕޯޓުގައި ރާއްޖެއަށް ނުވަދެވޭ ގޮތަށް ޤާނޫނަށް ގެންނަންޖެހޭ ބަދަލުތައް ގެނައުން އަވަސްކުރަން ތާއީދުކުރަން

ނޫސް ބަޔާން