މި ޕާޓީއަށް އަގުހުރި ޚިދުމަތްތަކެއް ކުރެއްވި އަލްފާޟިލް ޢަބްދުލްހާދީ ޤާސިމް އަވަހާރަވުމާ ގުޅިގެން ތަޢުޒިޔާ ދަންނަވަން

މި ޕާޓީއަށް އަގުނުކުރެވޭ ފަދަ ގިނަގުނަ ޚިދުމަތްތަކެއް ކުރައްވާފައިވާ، މި ޕާޓީގެ ހަރަކާތްތަކުގެ އެންމެ ކުރީ ސަފުގައި އަބަދުވެސް މަސައްކަތްކުރެއްވި އަލްފާޟިލް ޢަބްދުލްހާދީ ޤާސިމް، ހއ.ހޯރަފުށީ، ކަސިދާގެ، އިއްޔެގެ ވަގުތެއްގައި ދުނިޔެ ދޫކުރެއްވި ޚަބަރު އެހީ ފުން ހިތާމައާއެކުއެވެ. ޢަބްދުލްހާދީ ޤާސިމަކީ ހއ.ހޯރަފުށީގައި ޕީއެންސީ ފިކުރުގައި މި ޕާޓީގެ އަސާސްތަކާއި ވިސްނުން ކުރިއެރުވުމަށް އެންމެ ހިތްވަރާއެކު މަސައްކަތްކުރާ ޓީމުގެ ހީވާގި މެންބަރެކެވެ. ދެގޮތެއް ނުވެ މި ޕާޓީއަށްޓަކައި ވަރަށް ބުރަކޮށް މަސައްކަތްކޮށްދެއްވި ޚިދުމަތްތެރިއެކެވެ. 

މި ހިތްދަތި ދަނޑިވަޅުގައި މި ޕާޓީގެ ރައީސް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒާއި، ޕާޓީގެ ލީޑާޝިޕުގެ ހުރިހާ ބޭފުޅުންގެ ނަންފުޅުގައާއި ޕާޓީގެ ޢާންމު މެންބަރުންގެ ނަމުގައި ޢަބްދުލްހާދީގެ ޢާއިލާއަށް އިޚުލާޞްތެރިކަމާއެކު ތަޢުޒިޔާދަންނަވަމެވެ. 

މަރުޙޫމް ޢަބްދުލްހާދީގެ ފާފަތައް ފުއްސަވައި މާތްﷲގެ ތަނަވަސް ރަޙުމަތްފުޅުގައި ލެއްވުމާއެކު ސުވަރުގޭގެ މަތިވެރި ދަރަޖަތައްމަރުޙޫމަށް މިންވަރުކޮށްދެއްވުން އެދި މާތްﷲގެ ޙަޟްރަތުގައި ދުޢާ ދަންނަވަމެވެ.