އެއްވެސް ސަރުކާރަކަށް ބަލަން ނުކެރުނު ދައުލަތުގެ އިސް މަޤާމުތަކުގައި ތިއްބަވާ ބޭފުޅުންގެ ކޮރޮޕްޝަނާއި ނުޙައްޤު މުއްސަނދިކަން ބައްލަވަން ރައީސް މުޢިއްޒު ނިންމަވައިފި

އެއްވެސް ސަރުކާރަކަށް މިހާތަނަށް ބަލަން ނުކެރުނު، ދައުލަތުގެ އިސް މަޤާމުތަކުގައި ތިއްބަވާ ބޭފުޅުންގެ ކޮރޮޕްޝަނާއި ނުޙައްޤު މުއްސަނދިކަން ބައްލަވަން، ރައީސުލްޖުމުހުރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ. އެ މަނިކުފާނު މިކަން ހާމަކުރެއްވީ 31 އޮކްޓޫބަރ 2024 ގައި، އެކްސްގައި ކުރެއްވި ޕޯސްޓެއްގައެވެ.

​​​''ދައުލަތުގެ މުއައްސަސާތަކުގެތެރޭގައި އަށަގެންފައިވާ ކޮރޮޕްޝަނާއި ނުޙައްޤު މުއްސަނދިކަން ހޯދުމުގެ މައްސަލަތައް ތަޙުޤީޤުކޮށް، ދަޢުވާ ކުރުމަށް ހުރި ގޮންޖެހުންތައް ނައްތާލުމަށް، ދިވެހިރާއްޖޭގެ ޤާނޫނުލް ޢުޤޫބާތަށް ގެންނަންޖެހޭ އިސްލާޙުތައް، މި ފެށޭ ހަފުތާގެ ތެރޭގައި ސަރުކާރުގެ ފަރާތުން މަޖިލިހަށް ހުށަހެޅުމަށް ވަނީ ނިންމައިފައި'' ރައީސް މުޢިއްޒުގެ ޕޯސްޓްގައި ވިދާޅުވެފައިވެއެވެ.

​​​ދައުލަތުގެ ތެރޭގައި، މޫލައި އަށަގެންފައިވާ އަދި އަށަގަންނަމުންދާ ކޮރޮޕްޝަނާއި ނުޙައްޤު މުއްސަނދިކަން ހޯދުމުގެ މައްސަލައިގެ ކަންބޮޑުވުން ފާޅުކުރާ ޢާއްމު ރައްޔިތުން އަބަދު ވެސް ބުނާ ވާހަކައެއް އޮވެއެވެ. އެއީ ޢާއްމު، އާދައިގެ މީހާ ހިންގާ ކޮރޮޕްޝަނާއި ވައްކަން، ނިކަން އަވަހަށް ބަލާ ކަމަށާއި ނަމަވެސް، ދައުލަތުގެ މުއައްސަސާ ތަކުގެ އިސްމަޤާމުތަކުގައި ތިއްބަވާ ބޭފުޅުން ހިންގާ ކޮރޮޕްޝަނާއި ވައްކަން ނުބަލައި ފަސްއަޅައި ފޮރުވާ ކަމަށެވެ.

​​​ރައީސް މުޢިއްޒުގެ އެ ޕޯސްޓުގައި ވިދާޅުވެފައިވާ ގޮތުން ''ޤާނޫނުލް ޢުގޫބާތުގެ 515 ވަނަ މާއްދާއަށް ގެނެވޭ އިސްލާޙުގެ ސަބަބުން، ރައީސުލްޖުމުހުރިއްޔާއާއި ވަޒީރުންނާއި ރައްޔިތުންގެ މަޖިލިހުގެ މެމްބަރުންނާއި ފަޑިޔާރުން ހިމެނޭ ގޮތުން، ދައުލަތުގެ މުވައްޒަފުންނާއި ދައުލަތުގެ މަޤާމެއް އަދާކޮށްފައިވާ ފަރާތްތަކުން ހޯދާފައިވާ ނުޙައްޤު މުއްސަނދިކަމުގެ މައްސަލަތައް ބެލުމަށް ފަސޭހަވެގެންދާނެ'' އެވެ.

​​​ރާއްޖެއާއި ދުނިޔޭގެ އެހެން ޤައުމުތަކުން ވެސް ޢާއްމު ގޮތެއްގައި މި ބާވަތުގެ ބިލްތަކަކީ، މަޖިލީހުގައި ތިއްބަވާ، ސަރުކާރާއި އިދިކޮޅު ފަރާތްތަކުން މަޖިލީހަށް ހުށަހަޅާ ބިލްތަކެވެ. ނަމަވެސް، ސަރުކާރުތެރޭގައި ހުރި މިބާވަތުގެ މައްސަލަ ބަލަން އިސްމިނެގީ މި ސަރުކަރުން، ޚާއްޞަކޮށް ރައީސް ޑރ. މުޢިޒުކަން ފާހަގަކުރެވެއެވެ. ރައީސް މުޢިއްޒުގެ މި ނިންމެވުމަކީ، ދައުލަތުގެ މުދަލާއި ފައިސާ، ނަހަމަގޮތުގައި ބޭނުންރަމުންދާ ދިއުމާމެދު ކަންބޮޑުވާގެން އެ ވާހަދައްކަވާ ރައްޔިތުންނަށް ލިބިގެންދިޔަ ވަރަށް ބޮޑު ހިތްހަމަޖެހުމަކަށް ވާނެއެވެ.