ރައީސް މުޢިއްޒަކީ މަސްވެރިންގެ އަޑުވެސް އައްސަވާ ބޭފުޅެއްކަން ޢަމަލުފުޅުން ދައްކުވައިދެއްވައިފި

ރައީސް މުޢިއްޒަކީ، މަސްވެރިންގެ އަޑުވެސް އައްސަވާ ބޭފުޅެއްކަން، އެ މަނިކުފާނުގެ ޢަމަލުފުޅުން ދައްކުވައިދެއްވައިފިއެވެ. ރިޔާސީ އިންތިޚާބުގެ ދުވަސްވަރު، އެންމެ ގިނަ ކެންޑިޑޭޓުން އެންމެ ގިނަ ވަޢުދުވެވަޑައިގެންނެވި އެއް ބަޔަކީ، މަސްވެރިންނެވެ. ރައީސް މުޢިއްޒު ވެރިކަމާ ހަވާލުވެ ވަޑައިގެންނެވި އިރު، މަސްވެރިން މިފްކޯއަށް ކިރި މަހަށް ދޭންޖެހި ނުދީ، އެތައް ސަތޭކަ މިލިޔަން ރުފިޔާ ހުރުމުގެ ސަބަބުން، އެ މީހުންގެ ޢާއްމު ދިރިއުޅުމަށް އެތައް ދަތިތައްކުރިމަތިވުމުގެ ސަބަބުން، އެ ފައިސާ ހޯދުމަށް، ތަފާތު ގޮތްގޮތުން މަސައްކަތްކޮށް މުޒާހަރާ ވެސް ކުރަމުންނެވެ.

​​​ރިޔާސީ އިންތިޚާބުގެ ތެރޭގައި ރައީސް ޑރ. މުޢިއްޒު، މަސްވެރިންނަށް ވެވަޑައިގެންނެވި އެންމެ މުހިއްމު ވަޢުދުފުޅަކީ، މިފްކޯއަށް މަސްވެރިން ކިރި މަހަށް، ދޭންޖެހި ނުދީ ހުރި ފައިސާ، ވީހާއަވަށް ދެއްވައި ޚަލާޞް ކުރައްވާނެ ކަމަށާއި، އެ މަނިކުފާނުގެ ވެރިކަމުގައި މަސްވެރިން މިފްކޯއަށް ކިރާމަހަށް 48 ގަޑިއިރު ތެރޭގައި ފައިސާ ދެއްވާނެ ކަމަށެވެ.

​​​30 އޮކްޓޫބަރ 2024 ގައި، ރައީސް ޑރ. މުޢިއްޒު އެކްސްގައި ކުރެއްވި ޕޯސްޓެއްގައި، އެ މަނިކުފާނު ވަނީ، މިފްކޯއަށް މަސްވެރިން ކިރި މަހަށް، މަސްވެރިންނަށް ދޭންޖެހި ނުދެވި ބާކީ ހުރި ހުރިހާ ފައިސާއެއް ދިނުމަށް ޓަކައި، މިފްކޯއާ ފައިސާ ޙަވާލުކުރައްވާފައިވާކަން ހާމަކުރައްވާފައެވެ. އަދި އެ މަނިކުފާނުގެ ވަޢުދުފުޅާއި ރިޔާސީ މެނިފެސްޓޯގައި ބަޔާންކުރައްވާފައިވާ ފަދައިން، މަސްވެރިން މިފްކޯއަށް ކިރާ މަހަށް، 48 ގަޑިއިރު ތެރޭގައި، ފައިސާ ދެއްވުމުގެ އިންތިޒާމުތައް ކުރައްވަމުން ގެންދަވާކަން ވެސް، އެ ޕޯސްޓްގައި ވިދާޅުވެފައެވެ.