މާފަންނު މަދަރުސާއަށް މި ވަގުތަށް ބޭނުންވާ ކަންތައްތައް ސަރުކާރުން ކޮށްދެއްވާނެ ކަމުގެ ޔަޤީންކަން ރައީސް ދެއްވައިފި
ޝެއަރ ކުރުމަށް
މާފަންނު މަދަރުސާއަށް މި ވަގުތަށް ބޭނުންވާ ކަންތައްތައް ސަރުކާރުން ކޮށްދެއްވާނެކަމުގެ ޔަޤީންކަން ރައީސުލްޖުމުހުރިއްޔާ ޑރ. މުޙައްމަދު މުޢިއްޒު ދެއްވައިފިއެވެ. އެ މަނިކުފާނު މި ފަދައިން ވިދާޅުވީ، މާފަންނު މަދަރުސާއަށް، 40 އަހަރު ފުރުން ފާހަގަކުރުމަށް، އެ މަދަރުސާގައި ބޭއްވި ޚާއްޞަ ރަސްމިއްޔާތު ޝަރަފުވެރިކޮށްދެއްވަމުން ދެއްކެވި ވާހަކަ ފުޅުގައެވެ.
ރައީސް މުޢިއްޒުގެ ވާހަކަފުޅުގައި، މާފަންނު މަދަރުސާއަށް މި ވަގުތު ދިމާވެފައިވާ އެންމެ ބޮޑު ދައްޗަކީ ސްކޫލްގައި ރަނގަޅު ހޯލެއް ނެތުންކަމަށް ދަރިވަރުންގެ ފަރާތުން އެނގިވަޑައިގެންފައިވާ ވާހަކަ ވިދާޅުވިއެވެ. އަދި މިހާރު ހުރި ހޯލު ސްކޫލްގެ ޢިމާރާތުގެ 3 ވަނަ ބުރީގައި ޤާއިމްވެފައިވުމުން، ދަރިވަރުންނަށާއި ބެލެނިވެރިންނަށް ވަރަށް ބޮޑަށް ދަތިވާކަން ދަރިވަރުން ހުށަހެޅުމުން، އެކަން މި ފެށޭ އަހަރު ޙައްލުކުރައްވާނެ ކަމަށް އެ މަނިކުފާނު ވިދާޅުވިއެވެ. އަދި އޭގެ އިތުރަށް ވެސް ސްކޫލަށް ދިމާވެފައިވާ އެހެންހެން ދަތިތައް ވެސް، ސަރުކާރުން ޙައްލުކޮށްދެއްވާނެ ކަމަށް ރައީސް މުޢިއްޒު ވިދާޅުވިއެވެ.
ރައީސްގެ ވާހަކަފުޅުގައި އަވަށު މަދަރުސާތައް ނުވަތަ ކޮމިޔުނިޓީ ސްކޫލްތަކަކީ ވަރަށް މުހިއްމުތަންތަން ކަމަށާއި، ކޮމިޔުނީޓީ ސްކޫލްތައް، ކޮމިޔުނިޓީ ކޮންސެޕްޓްގެ ދަށުން ހިންގުމަށް ޓަކައި، ކައުންސިލްތަކާ ހަވާލުކުރެވުނު ކަން ރައީސް ފާހަގަ ކުރެއްވިއެވެ. ކޮމިޔުނީޓީ ކޮންސެޕްޓްގެ ދަށުން ހިންގާ، މާލޭގައި ހުރި ސްކޫލްތައް، މިހާރަށް ވުރެ ފުރިހަމައަށް ހިންގުމަށް، ސަރުކާރުން ވަރަށް ބޮޑަށް އެހީތެރިވެ ދެއްވާނެކަން ރައީސް ވިދާޅުވިއެވެ. ރައީސްގެ ވާހަކަފުޅުގައި، ކޮމިޔުނިޓީ ސްކޫލްތަކުން އެދޭ ކަންކަން ފަހިކޮށްދެއްވުމަށް، ސަރުކާރާއި ގުޅިގެން، މަސައްކަތް ކޮންދެއްވުމަށް، މާލެ ސިޓީ ކައުންސިލްގައި އެދިވަޑައިގެންނެވިއެވެ.
ރައީސް މުޢިއްޒުގެ ވާހަކަފުޅުގައި، އެ މަނިކުފާނުގެ މެނިފެސްޓޯގައި ކަނޑައަޅުއްވާފައިވާގޮތަށް، ޚާއްޞަ އެހީއަށް ބޭނުންވާ ޓީޗަރުން ތަމްރީނުކުރުމުގެ މަސައްކަތް، މިނިސްޓްރީ އޮފް އެޑިޔުކޭޝަނުން ރާވާފައިވާކަން ހާމަކުރެއްވިއެވެ. ރައީސް ވިދާޅުވި އެ ކަމަށް އެދޭ ފަރާތްތަކަށް އެ ފުރުޞުތުދީ ތަމްރީނު ކުރެވުމުން، އެހެން ދަރިވަރުންނެކޭ އެއްފަދައިން ނުކުޅެދުންތެރިކަން ހުންނަ ދަރުވަރުންނަށް ވެސް، އުނގެނުމުގެ ފުރުޞަތު ފަހިވެގެންދާނެކަން ހާމަކުރެއްވިއެވެ.
މި ރަސްމިޔއްތުގައި، މާފަންނަނު މަދަރުސާގެ ފަރާތުން، ރައީސުލްޖުމުހުރިއްޔާ ޑރ މުޙައްމަދު މުޢިއްޒަށް ހަދަނާނީ ފިއެއް އެރުވުވިއެވެ. މި ރަސްމިއްޔާތުގައި މާފަންނު މަދަރުސާއަށް ދިގުމުއްދަތެއްގައި ޚިދުމަތްކުރެއްވި ބޭފުޅުން ނަށް، ސްކޫލުގެ ފަރަތުން ދެއްވި ހަނދާނީ ފިލާ، އެ ބޭފުޅުންނާ ޙަވާލުކޮށްދެއްވީ ރައީސް ޑރ. މުޙައްމަދު މުޢިއްޒުއެވެ.