ކޮންގްރެސް ޕާޓީގެ އެތެރޭގެ އިންތިޚާބު ކާމިޔާބު ކުރެއްވި ބޭފުޅުންނަށް ރައީސް މަރުޙަބާ ދަންނަވައިފި.

ރާއްޖޭގެ ސިޔާސީ ސިޔާސީ ޕާޓީއަކުން މިހާތަނަށް އިންތިޒާމްކުރި، އެންމެ ބޮޑު އިންތިޚާބު، ކާމިޔާބު ކަމާއެކު ނިމިއްޖެއެވެ. ރާއްޖޭގައި ވެރިކަންކުރާ ޕާޓީ، ޕީއެންސީގެ ދާއިރާތަކުގެ އިނތިޚާބު ބޭއްވުނީ 23 ނޮވެމްބަރ 2024 ވީ ހޮނިހިރު ދުވަހު، 10.00 އިން 14.00 އަށެވެ. މި އިންތިޚާބުގައި 648 މަޤާމަށް ބޭފުޅުން އިނިތިޚާބު ކުރުމަށް ޓަކައި، މާލެއާއި އަތޮޅުތެރޭގެ 88 ރަށެއްގައި، ޖުމުލަ 144 ވޯޓް ފޮށި ބެހެއްޓުނެވެ.

ޕީއެންސީގެ ރައީސް އަދި ރާއްޖޭގެ ޢިއްޒަތްތެރި ރައީސުލް ޖުމުހުރިއްޔާ، ޑރ. މުޙައްމަދު މުޢިއްޒުގެ ލަފަޔާއި އިރުޝާދުގެ ދަށުން، މި އިންތިޚާބު ބޭއްވިފައިވަނީ، ވަރަށް ފުރިހަމަ އިންތިޒާމުތަކެއް ހަމަޖެހިގެންނެވެ. އިންތިޚާބުގެ ވޯޓް ލައި ނިމި، އިންތިޚާބުގެ ނަތީޖާ ޢިއުލާން ކުރުމާ ހަމައަށް ވެސް، އެއްވެސް ކަހަލަ މައްސަލައެއް ދިމާވެފައި ނުވާކަން ފާހަގަކުރެވެއެވެ.

ވާދަވެރި މި އިންތިޚާބުގައި ވާދަކޮށް، އެކި މަޤާމުތަކަށް ހޮވި ވަޑައިގެންނެވި އެންމެހައި ބޭފުޅުންނަށް، ޕީއެންސީގެ ނަމުގައި ވަރަށް ބޮޑަށް ތަހުނިޔާ ދަންނަވަމެވެ. އަދި މި އިންތިޚާބު، މިހާ އިންތިޒާމު ރަނގަޅު، ކާމިޔާބު އިންތިޚާބަކަށް ހެއްދެވުމަށް، ޕާޓީގެ ލީޑަރޝިޕްގައި ހިމެނި ވަޑައިގަންނަވާ އެންމެހައި ބޭފުޅުންނާއި، ޖުމުލަކޮށް، އެކި ގޮތްގޮތުން މި އިންތިޚާބުގެ ކަންކަމުގައި އުޅުއްވި އެންމެހައި ބޭފުޅުންނަށް، ޕާޓީގެ ނަމުގައި ވަރަށް އިޚުލާޞްތެރިކަމާއެކު ޝުކުރު ދަންނަވަމެވެ.

މިއަދު މި ބޭއްވުނު އިންތިޚާބުން، މަޤާމުތަކަށް ހޮވި ވަޑައިގެންނެވި ބޭފުޅުންގެ ފުރިހަމަ އެއްބާރުލުމާއި ބައިވެރިވުން ލިބިގެން، ކުރިޔަށް އޮތްތާގައި، ޕާޓީގެ ލަނޑުދަނޑިތައް ޙާޞިލްކުރުމަށް، ކާމިޔާބު މަސައްކަތްތަކެއް ކުރެވިގެންދާނެ ކަމަށް އުއްމީދު ކުރަމެވެ.